Der Blaue Reiter

Der Blaue Reiter isch e Bezeichnig vom Wassily Kandinsky und Franz Marc für ihri Usstelligs- und Publikationsdätigkeit, wo die beide as Redakteur im Almanach mit em gliiche Name, wo zum erste Mol Middi Mai 1912 uusecho isch, als Herusgäber fungiert hai.^[1] S Redaktionsteam het in de Johr 1911 und 1912 z Münche zwei Usstellige organisiert, zum siini kunsttheoretische Vorstellige mit de usgstellte Kunstwärk z illustriere.^[2] D Künstler, wo im Umfäld vom Blaue Riter dätig und wichdigi Wägbereiter vo dr modärne Kunst vom 20. Johrhundert gsi si, wärde mänggisch as Künstler vom Blaue Riter bezeichnet, au wenn sich dä nit as Künstlergruppe verstande het.^[3]

1. ↑ Klaus Lankheit: Der Blaue Reiter. Uusegee vom Wassily Kandinsky und Franz Marc, Dokumentarischi Neuusgoob, Münche /Züri 1984, S. 15 und S. 253 ff.
2. ↑ Dietmar Elger: Expressionismus, S. 141
3. ↑ Nina Kandinsky: Kandinsky und ich, München 1976, S. 58